Pogba ថា Zlatan អាច​បំបាក់ Messi និងCR7 ក្លាយ​ជា​កីឡាករ​​ល្អ​ជាង​គេ​លើ​លោក

Paul Pogba ខ្សែ​បម្រើ​​ក្រុម​បិសាច​ក្រហម Manchester United  បាន​និយាយ​សរសើរ​​ដល់​មិត្ត​រួម​ក្រុម Zlatan Ibrahimovic ថា​ អាច​ប្រជែង​ជាមួយ Messi និង Ronaldo ដើម្បី​ក្លាយ​ជា​កីឡាករ​ល្អ​ជាង​គេ​លើ​លោកបាន។

និយាយ​ជាមួយ  FIFA.com តប​នឹង​សំនួរ តើ​កីឡាករ​រូប​ណា​​ដែល​ស័ក្ដិសម​បំបាក់​ Lionel Messi និង Cristiano Ronaldo  ទទួល​ពាន​កីឡាករ​ល្អ​ជាង​គេ​លើ​លោក? Pogba បាន​ឆ្លើយ​ទៅ​វិញ​ថា​៖ "ប្រាកដ​​ណាស់​ មាន​កីឡាករ​ជា​ច្រើន​អាច​ប្រជែង​យក​ពាន​នេះ​។ ពួក​យើង​មាន​ Zlatan នៅ  Manchester United ដែល​គេ​ប្រជែង​វា​បាន។ ត្បិត​តែ​គេ​មាន​អាយុ​៣៥​ឆ្នាំ​ ប៉ុន្តែ​អ្វី​ដែល​គេ​លេង ការ​រក​គ្រាប់​បាល់​ អ្នក​អាច​ឃើញ​​ថា គេ​ស្ថិត​នៅ​កម្រិត​ខ្ពស់​​ជាង​១០​ឆ្នាំ​មក​ហើយ"។

កីឡាករ​វ័យ​២៣​ឆ្នាំ​បាន​បន្ត​ថា​៖ "Hazard, Neymar, Suarez  លេង​បាន​ល្អ​ និង​អាច​រក​គ្រាប់​បាល់​បាន។ ពួក​គេ​គឺ​ជា​កីឡាករ​ដ៏​អស្ចារ្យ។ ប្រសិន​បើ​ពួក​គេ​បន្ត​រក​គ្រាប់​បាល់​បាន​ទៀត នោះ ពួក​គេ​អាច​ឈ្នះ​ពាន​កីឡាករ​​​ល្អ​ជាង​គេ​លើ​លោក៕ ​​​​​​