ខ្សែប្រយុទ្ធ Diego Costa របស់ក្រុម Chelsea បានច្រឡោតខឹងខ្លាំង និងបានប្រកែកគ្នាជាមួយមិត្តរួមក្រុម Pedro ក្នុងការប្រកួត ដែលក្រុមតោខៀវ ចាញ់ Tottenham Hotspur ២-០ នៅកីឡដ្ឋាន White Hart Lane កាលពីយប់មិញ។
Pedro (ឆ្វេង) និង Costa ប្រកែកគ្នាយប់មិញ
មូលហេតុដែលធ្វើឲ្យ Costa ខឹង គឺដោយសារកីឡាករជម្រើសជាតិអេស្ប៉ាញរូបនេះ បាត់បង់ឱកាសល្អៗមួយចំនួននៅដើមតង់ ហើយលុះដល់នាទី២២ មិត្តរួមក្រុម Pedro ថែមទាំងមិនយល់ចិត្ត បញ្ជូនបាល់ (Through) ឲ្យមិនបានល្អទៀត ធ្វើឲ្យអារម្មណ៍ច្រឡោតខ្លាំង ក៏ស្រែកកំហោកដាក់ អតីតកីឡាករក្រុម Barcelona (Pedro) តែម្ដង។
ចំពោះបញ្ហាកីឡាករទាំង២ មើលទៅដូចឈ្លោះគ្នានេះ អ្នកចាត់ការក្រុម Chelsea លោក Antonio Conte បាននិយាយថា៖ "ខ្ញុំគិតថា វាជារឿងធម្មតា ជាបញ្ហាធម្មតាលើទីលាន។ វាជាឱកាសល្អរបស់យើង ប៉ុន្តែយើងធ្វើឲ្យបាត់បង់ឱកាស ដូច្នេះជារឿងធម្មតាដែលយើង កើតមានអារម្មណ៍ខកចិត្ត”៕
សូមទស្សនាវីដេអូ៖
No comments:
Post a Comment