Wednesday, January 11, 2017
Sunday, January 8, 2017
Nokia 6 ប្រើប្រព័ន្ធ Android លេចចេញរូបរាងហើយ ឯតម្លៃជាង២០០ដុល្លារ
ក្រុមហ៊ុនទូរសព្ទចល័ត HMD បានប្រកាស ការបង្ហាញខ្លួនថ្មី របស់ទូរសព្ទស្មាតហ្វូន Nokia 6 ដែលដំណើរការដោយប្រព័ន្ធប្រតិបត្តិការ Android ដំបូងគេបង្អស់ នៅថ្ងៃអាទិត្យនេះ។
Nokia 6 ប្រើប្រាស់កញ្ចក់ Gorilla Glass ទំហំ ៥,៥អ៊ីញ ជាមួយនឹង Resolution ទំហំ ១០៨០ គុណនឹង ១៩២០ (Full HD)។ វាដំណើរការដោយបន្ទះឈីប Snapdragon 430 , Octa-Core CPU និង Adreno 505 GPU។ ទូរសព្ទម៉ូដែលនេះ នឹងសាកថ្មឆាប់ពេញជាងមុន រហូតដល់ទៅ ៤ដង ដោយសារតែបច្ចេកវិទ្យា Quick Charge 3.0។
ទូរសព្ទស្មាតហ្វូន របស់ Nokia ដ៏ថ្មីស្រឡាងនេះ ប្រើប្រាស់ RAM ទំហំ ៤ជី និង អង្គចងចាំ ទំហំ ៦៤ជី។ រីឯកាមេរ៉ាក្រោយ មានទំហំរហូតដល់ទៅ ១៦មេហ្គាភិចសែល ជាមួយនឹងមុខងារ Aperture f/2.0 និង PDAF Laser Auto Focusing។ ចំណែកឯកាមេរ៉ាមុខវិញ ក៏មិនអន់ដែរ គឺ ៨មេហ្គាភិចសែល ដែលអាចថតរូប Selfie និងលេងវីដេអូ Chat បានយ៉ាងច្បាស់។
គួរបញ្ជាក់ថា Nokia 6 នឹងបើកសម្ភោធ នៅដើមឆ្នាំ២០១៧នេះ ជាមួយនឹងតម្លៃ ២៤៥ដុល្លារ (បរទេស)។ ក្រុមហ៊ុន HMD ជ្រើសរើសយកប្រទេសចិន ដើម្បីបើកសម្ភោធទូរសព្ទម៉ូដែលនេះ ព្រោះតែចំនួនអ្នកប្រើប្រាស់ដ៏ច្រើនលើសលុប (ចំនួនដែលគេរំពឹងទុកគឺ ៥៩៣លាននាក់ ក្នុងឆ្នាំ២០១៧)៕
សូមទស្សនាវីដេអូខាងក្រោម៖
ភ្ញាក់ផ្អើល លោកគ្រូ ប្រាក់ សុវណ្ណារ៉ា និងបឹងកេតអង្គរចែកផ្លូវគ្នាហើយ
ក្លឹបបឹងកេតអង្គរ និងលោកគ្រូបង្គោល ប្រាក់ សុវណ្ណារ៉ា បានឈានដល់ឯកភាពចែកផ្លូវគ្នាដើរហើយ បន្ទាប់ពីលោកគ្រូបង្វឹករូបនេះបានចូលខ្លួនដឹកនាំបឹងកេតអង្គរកាលពីឆ្នាំ២០១៥។
_large.jpg)
លោកគ្រូ ប្រាក់ សុវណ្ណារ៉ា
តាមសេចក្តីប្រកាសដ៏គួរឲ្យភ្ញាក់ផ្អើលរបស់ Page «ផ្លូវការរបស់ក្លឹបនារសៀលថ្ងៃនេះថា ក្លិបបឹងកេតអង្គរសូមប្រកាសអំពីការចែកផ្លូវគ្នាជាមួយលោកគ្រូ ប្រាក់ សុវណ្ណារ៉ា នៅថ្ងៃនេះ ដោយមានការឯកភាពគ្នាទាំងសងខាង។ គ្រប់ៗគ្នានៅក្លិបបឹងកេតអង្គរសូមអរគុណដល់លោកគ្រូ ប្រាក់ សុវណ្ណារ៉ា ចំពោះការរួមចំណែកយ៉ាងសំខាន់ក្នុងជោគជ័យរបស់ក្លិបអំឡុងពេល២រដូវកាលចុងក្រោយនេះ ដោយយើងបានឈ្នះជើងឯកលីគកំពូលកម្ពុជាឆ្នាំ២០១៦ និង រងជើងឯកក្នុងពានរង្វាន់អន្ដរជាតិ Toyota Mekong Club Championship 2015 ដែលធ្វើឲ្យលោកគ្រូក្លាយជាគ្រូជោគជ័យបំផុតម្នាក់ក្នុងប្រវត្តិសាស្ត្ររបស់ក្លិប»។
មួយរយៈពេលចុងក្រោយនេះ បឹងកេតអង្គរមិនសូវទទួលបានលទ្ធផលល្អប្រសើរឡើយដោយឡើងដល់វគ្គពាក់កណ្តាលផ្តាច់ព្រ័ត្រពានរង្វាន់មួយនៅវៀតណាម ប៉ុន្តែត្រូវចាញ់ក្រុមមកពីកូរ៉េរហូតធ្វើឲ្យកីឡាកររបួសច្រើន និងចាញ់ក្រុមជើងឯកឡាវនៅវគ្គពាក់កណ្តាលផ្តាច់ព្រ័ត្រពានរង្វាន់ Toyota Mekong Club។ ទាំងនេះអាចជាមូលហេតុដែលធ្វើឲ្យភាគីទាំងពីរឈានដល់ចែកផ្លូវគ្នា៕
_large.jpg)
Saturday, January 7, 2017
យប់នេះ! Barca ទៅជួប Villarreal ជាគូជក់ចិត្ត?
ការប្រកួតក្របខ័ណ្ឌលំដាប់កំពូលរបស់របស់អេស្ប៉ាញ La Liga យប់នេះ គូជក់ចិត្តគឺជាការប៉ះគ្នារវាង Villarreal ស្វាគមន៍ក្រុមខ្លាំងអ្នកមានបុណ្យ Barcelona នាម៉ោង២:៤៥នាទីសប្ដាហ៍ទី១៧នៅកីឡដ្ឋាន Camp El Madrigal។
ម្ចាស់ផ្ទះ Villarreal ស្ថិតនៅលេខរៀងទី ៥ក្នុងតារាង រកបាន២៩ ពិន្ទុក្នុងចំណោម១៦ ប្រកួតឈ្នះ ៨ស្នើ ៥ និងចាញ់ ៣ដង។ ចំណែកក្រុមភ្ញៀវ Barca វិញស្ថិតនៅលេខ ៣មាន ៣៤ពិន្ទុក្នុងចំណោម ១៦ប្រកួតឈ្នះ ១០ស្នើ ២ និងចាញ់ ៤ដង។
៥ប្រកួតចុងក្រោយរបស់ក្រុមទាំងពីរធ្វើមិនសូវបានល្អដូចគ្នាក្នុងការប្រកួត La Liga ។ Villarreal រកបានជ័យជម្នះចំនួន ២ស្មើ ១និងចាញ់ ២ក្នុងចំណោម ៥ប្រកួត ខណៈ Barca ឈ្នះ ២លើក និងស្មើរហូតដល់ទៅ ៣លើកក្នុងចំណោម ៥ប្រកួតចុងក្រោយដូចគ្នា។
ម្ចាស់ផ្ទះមានកីឡាករសំខាន់មួយរូបរងរបួសគឺ Roberto Soldado (ជង្គង់) ដូច្នេះជម្រើស ១១នាក់ដំបូងរបស់អាចជា៖ អ្នកចាំទី Sergio Asenjo ខ្សែបម្រើ Riuz, Costa, Mario Gaspar និង Alvaro Gonzalez ខ្សែបម្រើ Soriano, Dos Santos, Bruno, Trigueros ខ្សែប្រយុទ្ធ Pato និង Sansone។
ចំណែកក្រុមភ្ញៀវ Barcelona វិញមិនមានកីឡាករសំខាន់របួសនោះទេដូច្នេះជម្រើស ១១នាក់អាចជា ៖ អ្នកចាំទី Stegen ខ្សែការពារ Alba, Mascherano, Pique និង Roberto ខ្សែបម្រើមាន Iniesta, D.Suárez, Busquets ស្របពេលខ្សែប្រយុទ្ធមាន L.Messi, Suárez និង Neymar។
ក្រុមទាំងពីរនេះធ្លាប់ប៉ះគ្នាចំនួន ៣៦ដងក្នុងនោះ Villarreal ឈ្នះ៨ ស្មើគ្នា ៨ដង និង Barca ឈ្នះ ២០ដង។ ជួបគ្នា ៥ប្រកួតចុងក្រោយ Villarreal ឈ្នះម្ដងស្នើគ្នាម្ដងចាញ់ ៣ដង ជួបគ្នាលើកចុងក្រោយនៅ La Liga ក្រុមទាំងពីរបញ្ចប់គ្នាត្រឹមស្មើគ្នា២-២។
ទស្សនៈ៖ Villarreal ១-៣ Barcelona
Subscribe to:
Posts (Atom)